GÖNGUFERÐIR - ANNA OG INGI: október 2006

10.10.06

Búrfellsgjá 10. okt.2006

Búrfellsgjá eins og hún er nú er eiginlega ekki réttnefni, ef til vill hefur hún fyrrum verið meiri og dýpri. Þessi tröð eða gjá hlykkjast allt að þrjá og hálfan kílómetra frá Búrfelli og er Selgjá meðtalin enda hluti af sama farveginum. Selgjá tekur við af Búrfellsgjá rétt sunnan við Hjallaenda, við fjárréttina.

Veggir Búrfellsgjár eru fimm til tíu metra háir og víða eru hellisskútar í þeim. Greinilega má sjá hvernig hraunið hefur runnið. Láréttir taumar á gjárveggjum vitna um það. Talið er að gosið hafi í Búrfellsgíg fyrir um 7200 árum. Hraunið rann út í Hafnarfjörð og Skerjafjörð. Urriðakotshraun og Gálgahraun eru hluti af því hrauni.

Kort af svæðinu

Búrfellsgígur er hæstur 179 m yfir sjávarmáli en það er um 80 m frá umhverfinu. Dýpt hans er um 58 metrar og þvermál hans um 140 m.

Skammt vestan við réttina er sex metra djúp misgengissprunga sem nefnist Vatnsgjá, og niðri í henni er uppspretta. Vatn er eðlilega mjög torfundið á þessum slóðum, allt hripar það niður í hraunið og hverfur augum vegfarenda. Skýrist þar valið á réttarstæðinu og líklega hefur verið haft þar í seli áður fyrr.

Gjárétt er ævagömul
Hún er hlaðin úr hraungrjóti

og er mjög stílhrein.

Hún var lögð af sem skilarétt

Hafnafjarðar,Garðarhrepps og

Bessastaðahrepps um 1920

og er nú friðlýst af

þjóðminjaverði.

Í Gjánni

Allt í boði

Anton Berg

"Ein af stórkostlegustu náttúruminjum höfuðborgarsvæðisins er gígurinn Búrfell, hrauntröð hans og farvegur hraunsins úr gígnum"segir Páll

Helgafell

Svala, Hrafnhildur,

Guðni, Kristín

og Inga

Inga og Guðjón

Marta og Guðný

Gönguhópurinn:

Páll, Sigrún, Guðjón,

Svala, Marta, Hrafnhildur,

Guðný, Halldór, Inga,

Kristín og Guðni.

5.10.06

Gráhnjúkaganga og "Guðbjartarskjól" 04.okt. 2006

5,9 km

Hér er svo meira af myndum hjá honum Daða
http://www.gangandi.blogspot.com/

Norðvestan undir Gráhnúkum, nokkru sunnan hraunmóta Hellisheiðahrauns og Brunans, verður fyrir mikið bjarg, sem hrapað hefur niður úr einum Gráhnúknum og hallast þar upp að. Litlir skútar eru beggja vegna bjargsins, milli hnúks og bjargs.
Hér lagðist til hvílu aðfaranótt 20. desember 1921 Guðbjartur Gestsson frá Hamri á Múlanesi, en hann hafði verið við skipasmíði á Eyrarbakka um haustið. Guðbjartur ætlaði að ná skipi vestur í breiðafjarðarbyggðir fyrir jól og fór því fótgangandi suður. Hann var einn á ferð yfir Hellisheiði í harðnandi frosti og byl og bar smíðatól sín. Lausafé talsvert hafði hann á sér. Úr Neðri-Hveradalabrekku hrekst hann hingað undan veðri í stað þess að stefna norður til Kolviðarhóls.Guðbjarts var oft leitað þegar um veturinn og einnig sumarið eftir. Þótti með ólíkindum að hann skyldi ekki finnast. Komst jafnvel sá kvittur á kreik að honum hefði verið ráðinn bani til að komast yfir fjármunina og líkið síðan falið. Margir töldu sig verða vara við Guðbjart á Hellisheiði í illviðrum.Valdimar Jóhannsson, síðar bókaútgefandi, dvaldist í orlofi sínu á Kolviðarhóli í júlí 1937. Verður honum gengið suður á Þrengslaleið og stansar við bjargið undir Gráhnúk. Af rælni tekur hann að róta í mosa í skútanum og finnur sög og fleiri tól og loks mannsbein. Fór hreppstjóri til og staðfestist að hér voru líkamsleifar Guðbjarts, svo og allt það sem hann hafði haft með sér, peningaseðlarnir að vísu illa farnir eftir 16 ár. Var Guðbjartur jarðsettur að Skálmarnesmúla 14. ágúst þá um sumarið.Skútinn er undir svonefndum Stakahnúk, spölkorn ofan við Þrengslaveg. Enn má sjá bein við skútann.Mál þetta var umtalað í sveitum Ölfus fyrir u.þ.b. 85 árum síðan. T.d. var talið að Guðbjarti hafi verið fyrirkomið vegna fjármuna, sem hann hafði meðferðis. Þá var vinnuveitandi hans sakaður um hlutdeild í hvarfi hans vegna þess að hann átti að hafa svikið hann um laun. Fleira mætti nefna, en þessi frásögn er ágætt dæmi um sögusagnir er komast á kreik er óráðið er um afdrif fólks. En svona er nú mannanna hugaleikfimi - og hefur lítið breyst í aldanna rás.Heimild m.a.: -Árbók FÍ 2003